2013 京.阪.馬. 飄雪之旅 ~ Day 4 大阪城公園篇 ( 上 )

一個鐘之後, 我地由溫泉之鄉返回大城市 - 梅田 ~~
下一個目的地係大阪城公園 ~~
由阪急三番街行去JR車站途中, 經過輕鬆小熊專門店, 當然要入去睇下La!! 

門口係鮮明ge小熊頭造型, 離老遠都見到, hahah ~~



門口側邊有大大個慶祝10週年ge小熊公仔 ~~ 


Product 都係個d野La~~  文具/ 精品 /  等駛同吾等駛ge野都有得賣~~

雖然我鐘意佢, 但都好少買佢d精品, 因為樣樣都吾係平ma ~~ ^^

剛到達大阪時,我仍然很喜歡他~~
但旅程中途, 我遇見了新歡, 現在已經取代了小熊ge位置Lu ~~ !! ( 貪新忘舊是女仔ge本性呢! )
遲d會係lee度介紹埋新歡~~ ( 笑 )

由梅田搭JR 到大阪城公園~~









o係JR 站出口見到佢, 兒時回憶 : 乞啑大魔王!!  ( 吾知你地仲記吾記得呢 ? ) 

由於舟車勞頓+ 我尋晚無點訓過, 體力正急速下降!!! 勁疲累ge我地, 吾想抽住敢多野行公園, 於是我提議係JR站揾下有無locker , 放低d 大件野先~~
大阪城公園站個lobby 勁細, 基本上一眼望得晒, 不過麻雀雖小, 五臟倶全, 因為有locker ar~~~ !!! 



將大件行季放入locker, 2個人輕輕鬆鬆遊公園, 舒服晒~~
大阪城公園站外ge風景 ~~



今日真係好好天, 藍天白雲又勁好陽光, 最重要係吾太凍 ~~ 

行去公園途中影ge相 ~~

睇相睇得多, 但實物就係第一次見~
巨無霸貨車一字排開, 顏色又shape又靚 , 金屬位置更係閃令令 , 勁有霸氣, 正!!!

行去公園條路勁長, 好似無盡頭一樣 ~~

雖然我地去ge 時候吾係櫻花季節, 但好幸運地撞正梅花盛開ge日子。
公園有片梅花林, 到處都見到梅花綻放, 爆靚!!

Lee度ge梅花種有不同品種, 顔色分別係梅紅、粉紅同白色 ~~

雖然今日係weekday, 但都有好多攝影發燒友黎影相, 令整個梅花林都逼滿人~~章魚仔當然亦忙過不停La!

d 花海好靚, 係個model差d ~~

日本人向來都鐘意賞花, 我係梅花林都見到~~ ^^
一大班好友席地而坐, 一邊野餐、一邊傾計, 名符其實「風花雪月」, 真係好寫意~~

係高處就可以見到整片梅花林有幾大~~

大名鼎鼎ge大阪城 ~~

由於無咩時間關係,所以我地無買飛上城參觀, 只係城外喪影幾影就走人Lu~
事緣係因為黎左大阪4日, 但我都未有時間行過心齋橋同附近ge商店街, 人家好想Shopping ma!  為左遷就我lee個行街精, 所以章魚仔將原定ge路線作出些微更改, 去完大阪城, 就火速回巿中心Lu...  ^^

大阪城附近有吾少造型趣緻ge紙板公仔比遊客影相, 個個古裝造型,而且向住大阪城, 係影相ge好道具, hahah!!
( 不過果日真係好曬, 你睇我地連眼都睜吾大.. )

離開大阪城, 就火速搭JR回到心齋橋~~

第一樣要做Ge係到酒店check in, 今次住ge酒店同之前果間一様, 都係南船場Hearton Hotel.
前日, 我地只將隨身物品帶走, 而大件行季則寄存在Hotel Lobby , 2個人輕輕鬆鬆出發到有馬。宜家返黎check in, 又輕輕鬆鬆推行季上房, 極之方便 ~~今次住ge房間同上次ge房間基本上一樣, 只是座向不同, 所以我都沒有特別影相Lu ~~

放低行季後, 第一時間係出去買野食 !!  我地2個係有馬食完早餐後 ( 8:00am ) , 就一直頂到宜家 ( 3:xx pm ), 宜家手脚無力, 真係有種就快餓暈ge感覺 !! > __<
出發到大阪前, 我地曾經商量過, 有d咩野係非食不可架呢 ?! List入面, 其中一樣係便利店 ge 飯團, hahaha~
好! 今日終於有機會試一試~~ ^^

章魚仔ge 係有餡飯團, 咩味就吾記得, 依稀記得幾好味ge~

我ge係醬油味飯團 ~~ 無餡ge , 味道麻麻地~~

食完飯團, 仍然係肚餓得很, 仲未有力去shopping~~ 
Lee個時候, 章魚仔提議去人人皆讚ge 「一蘭」, 食碗拉麵暖下身先 ~~
「一蘭」o係「 激安之殿堂」隔離, 次次行夜街, 都見到一條長長ge人龍, 見到都吾想排 ~~
lee個時間去, 直情可以打橫行出行入呢! ( 笑 )



行完門外ge長樓梯, 就會見到有部售賣機。選取材料後付錢, 一份材料, 一張飛仔。 ( 售賣機有圖, 吾怕睇吾明 ^^ )
店鋪外有塊顯示屏, 邊個坐位吉,就會着燈, 既方便又一目了然 。

拎住一堆飛仔入去安坐~~
店鋪呈長形, 鋪內有20個坐位, 一人一格 , 好自修室果種feel! 

坐低後,再跟手填埋枱面果張form ( 主要係麵ge軟硬度, 我揀晒普通~  ) , 然後將飛仔+ form 遞入去個窗仔比staff , 就可以安心等食La ~~
等候途中, 窗仔會落廉。對住三面牆, 真係幾自閉 !! 

Lee 碗係我ge , 只有叉燒同蔥~~ ^^
味道嘛~~ 我覺得湯底一般jei, 叉燒就幾鬆化同好食ge ~~

醫完肚, 戰鬥力已提升不少了!!! .\ /.
係時候, 醫下我lee幾日 ge shopping病喇!! Wowowohohoho,好興奮 !!! 

激安之殿堂門口 ~~

不得不提, 係心齋橋有間又大又好行ge 鋪頭 : G.U.
佢係Uniqlo ge 副線, 同主線一樣, 有齊男裝、女裝、童裝、睡衣、運動衫、內衣、襪仔等等,但款式更多,價錢更吸引。
樓高幾層,地方寬敞, 男仔shopping 都吾怕人逼逼~~ ^^

章魚仔仲係度買左吾少野,真係勁買野都吾怕大出血ar!! 

行左一輪街, 又開始肚餓 ~~
見到一間叫「北極」ge小店,  雖然叫「北極」, 但Logo竟然係南極ge企鵝仔, hahhaha~
鋪頭賣雪糕同大判燒, 我地買左後者, 一件兩份食。

大判燒印有店家logo, 好可愛~
餡料係紅豆蓉, 紅豆味極濃, 表皮小小脆又暖暖地,好好味!!

行行下,見到一間疑似歌劇院, 歐洲建築風格,  外觀好靚,好優雅!! 同週邊ge日系建築有好強列對比!!

見到門外有一大班o靚妹等入場,吾知係邊個明星表演Lei~

好少見敢大隻貴婦狗~~

行下行下,到左五光十色ge道頓堀 ～

Spotaka 係一幢專售賣運動用品ge百貨大樓, 上至衫褲鞋襪,下至週邊用品, 款多又新, 花多眼亂,又係出血ge地方~~
( 係日本, 即使係行山用ge物品, 顏色/ Pattern都shape過人、 靚過人,吾似得香港黎黎去去都係卡其/ 墨綠敢沉悶又核突! )

籃球褲都有敢多款, 敢多牌子, 敢多顏色 / pattern ( 只係冰山一角jar~ ) 真係揀都有排揀!

Lee張相, 我好鐘意, 日落ge大阪好colorful, 朝氣滿滿!!