章魚仔牛一 ★☆ 2013

* 尋日 ( 4月24日 ) 係章魚仔 ge 生日, 所以我會先加插lee篇, 而< 大阪之旅 > , 我會繼續努力Ka La ~~ *


為左儲錢,平時我地都吾會食D好貴Ge晚餐, 但一年一次ge生日, 點都要食好d Ge ~~
今年係我第2年同佢慶祝, 上年係朗廷酒店, 今年, 我搵左一間可以望到海景ge餐廳。


早於一個月前, 我已經上open rice / hk discuss search下, 睇下有無啱心水 + 啱Budget + 啱地區  , 但搵到2個禮拜都無咩啱~~
( 心目中係食fine dining, 最好望到海, 有靚view, 坐得舒舒服服, 但吾想勁貴, 仲要係九龍區, hahahha, 一大堆要求, 好港女ar !! )

好彩係4月頭, 最終被我搵到佢 ~ AL MOLO

佢係一間意大利餐廳,坐落Harbour City 底層, 前身係Habitu the Pier , 係BLT Steak 隔離, 非常易揾 ~~
由紐約米芝蓮星級主厨Michael White 主理 ~~ 係著名餐飲集團Dining Concepts 旗下~
尤以Pizza 同 Pasta 最出名~

餐廳環境闊落, 樓底高 ~~
雖然之前book枱時, 我已要求window seat, 但最終都被安排坐中央位置, 有d美中不足呢~~
我地坐中間, 右邊係卡位, 左邊係4-6人枱 。 如果坐室外, 仲可以直接望到維港 ~~









Lee張我覺得好靚ar ~~ hahah !! ( 自我陶醉中 )

由於知道Pizza 同 Pasta 出名,所以事前已plan好會order 其中一樣。
我地叫左3款野食 : 1道appetizer , 1個Pizza + 1道main course~~

每枱都會送一客麵包, 配加入蒜蓉ge橄欖油~~

其中發生一件小插曲 : 當我地嗌完食物, 正在等食途中, 有位外籍waiter 送上一盆Cesar Salad, 經理見到,即刻叫停佢, 話我地無叫~ 然後送走salad。
過左陣, 外籍waiter又再次為我地送上同一盆salad, 經理又再見到, 又再次叫停佢, 今次語氣加重, 同waiter講話我地無叫~~ salad又再送走La~~~點知再過左陣,經理親自送上同一盆Cesar Salad, 然後同我地講, 厨房落錯單, 但又吾想浪費食物, 所以送比我地食wor~~!! ( 心諗 : 敢好 ?! )

就係敢, 我地額外多左份免費ge Cesar Salad ~~
Cesar Salad  : 生菜新鮮, 個醬好好味, 酸酸甜甜勁開胃, 可惜麵包糠吾夠脆 ~~ 不過真係好大盆 !

Caprese, 酸醋小蕃茄伴奶酪我地開頭以為係蛋白, 但食落就發覺係奶酪~奶酪味道較淡, 味道有d似牛乳, 配上酸尾尾ge小蕃茄, 味道的確幾夾,仲可以亙相提升味道~

食到一半,我地都已經被奶酪濟飽左~~ > <

Pizza Margarita , 簡簡單單只有蕃茄+芝士。
Pizza 係薄底, 但吾係平時個種脆卜卜餅底, 而係軟棉棉 ge 麵包底, 我鐘意~~

雖然吾係鋪天蓋地ge餡料,但餡料越簡單, 越容易食到pizza ge 味道, 好食~~

Osso Buco : 燉煮牛小腿 + 牛骨髓配意大利飯
Wah~~~Lee 個無得彈!!! ( 大叫中 )
小腿部份燉到好淋, 食落口好滑,同時食到濃濃牛味。配上一小件骨頭,用黎盛載牛骨髓,附上一個小匙, 可以"畢"黎食, 感覺好得意!! 牛骨髓同細個係酒樓食到ge骨髓質感好吾同, 但章魚仔就話差吾多~~

Lee 排病病地, 胃口不太好~~ 加上被大大盆ge Cesar Salad打左底, 雖然得4道菜, 但我地2個都食吾晒~
我之前仲諗好叫dessert 同佢慶祝, 但都食吾落Lu, 可惜.....

食物其實好好食,或者等下次,再黎過La!! ^^


今年,我又自製生日卡比佢, hahahha~~

食完飯,就係附近影下相 ~~



話敢快又過左1晚, 章魚仔Ge 29歲就係敢渡過左La~~
衷心希望大一年ge佢身體健康,生生性性,揾多d錢, 娶我返屋企, hahah~~~
Hapi Cow One, My Boy!!

2013 京.阪.馬. 飄雪之旅 ~ Day 3 黑門市場 / 有馬溫泉篇 ( 下 )

前一晚浸完溫泉應該好好訓至係,但我成晚都訓吾到, 將近天光先開始訓,wowowowo~~ 好慘,個人勁累!!
我地book左8點食早餐, 之前仲諗住食早餐前,浸番個靚温泉嘆下Ka ma .......我訓係舗床, 心諗: 宜家吾起身浸, 將來一定一定會後悔ka!!! 一諗到敢, 個人開始醒, 跟住我同章魚仔講 : 「Wei wei, 不如宜家上去浸La !!! 」大家一個眼神交流, 之後2個火速起身、梳頭、換衫, 仆上去浸温泉。 Wahahaha~~ 


我地上到7/F, 速速對一對牆上ge鐘,其實只得番15分鐘浸jar ~~~!!  吾理La!! 極速行動, GoGoGo !!!!
男介/ 女介 ge 公眾浴場每朝都會互換位置, 害我差d就入錯男介。
浴場內, 人吾多, 全部都係日本人,一個香港人都無。室內分別有一個金之湯同一個銀之湯, 室外情況就睇下邊張圖會淸楚d, 右邊個池係金之湯, 左邊木缸係銀之湯。其實仲有一個金之湯ge 大玻璃缸係左上角, 但張圖無show 出黎。
因為公眾地方, 所以我無影相, 唯有係官網轉載lee 張圖同大家介紹。 ( http://www.hanamusubi.co.jp/hotsp/ )


雖然真係來也匆匆, 走也匆匆, 但總算還左心願, Hehhe~~浸完溫泉又要急急脚趕落樓下2/F食早餐~~餐廳名字叫花散歩 ~~   ( 滿有詩意 ge 名字 )








地氈上ge Pattern 係御幸莊花結ge Logo ~~



坐底無耐, Staff 放低左2 盒精緻box set + 幫我地斟茶~~


每盒box set有6小碟 + 1杯乳酪 + 一鍋蜆肉麵豉湯 + 1盒白飯配漬物 +1壺茶 ~~6小碟有( 左起 ) 凍豆腐 / 燒玉子 / 燒鯖魚 / 什菜沙律 / 魷魚刺身 / 汁煮南瓜併牛蒡


左起 : 鮮菓乳酪 / 漬物 / 紫菜 ( 圖右下, 有紙包住ge長方形物體 ) ~~


蜆肉麵豉湯 ~~


1盒白飯配漬物 +1壺茶 ~~


好豐富ge 早餐, 每樣都好新鮮、好吸引 ~~





係房內望出去ge日景 ~~
食完早餐, 就要快快趣趣執野走人Lu ~~  因為check out 時間係10: 30 am.... ( 勁早!! )
皮膚浸完溫泉,果真滑溜又充滿彈性, 見到敢靚Ge 皮膚真係吾願走, hahahah~~



辦好check out 手續後, 我地慢步行到溫泉街。
第一時間係去買手信 : 名物金泉燒 ~~



章魚仔食過金泉燒後, 自此念念不忘, 點都要買盒返香港wor ~~



的確係幾好食既, 不過就有小小貴Lor ! 



買完名物, 即刻去車站買飛返大阪先~~
同去程一樣, 乘搭阪急巴士返去~~ 我地好好彩, 買到即將要開出ge車飛, 見到車站外已經有部待客中ge 巴士La ~~ 今次買到正常坐位, 終於可以舒舒服服訓一覺 ~~~
有馬, 再見啦!!!  WE WILL BE BACK !!!



下半部ge大阪行程即將展開!!!!

2013 京.阪.馬. 飄雪之旅 ~ Day 3 黑門市場 / 有馬溫泉篇 ( 中 )

食完Lunch, 要快快趕路去有馬Lu ~~
去有馬有3個途徑, 分別係自駕 / 搭鐵路 / 搭高速巴士, 而我地揀左後者, 因為lee 個係最簡單最直接ge方法。

我地先由日本橋去難波, 再由難波轉車去梅田,買往有馬ge乘車卷~~

出發之前, 章魚仔已經做晒功課,上網揾定資料有關售票站位置 + 上車位置, 因為有好多人都話勁難揾, 指示吾清晰, 令我地有d擔心~~其實吾太難Ka ~!! ^6^ 到達梅田站後, 於 " 阪急三番街 " 出口出, 然後搭電梯上地面 , 見到紀伊國屋書店後, 過馬路往對面, 就會見到售票站~~

售票站內 :

當日仍有吉房ge有馬溫泉酒店  ~~





阪急巴士有一條由大阪直往有馬溫泉ge高速巴士線, 每日各對開17班。巴士分「特急」同「急行」兩種, 2 者分別在於 :
特急 : 會由梅田直開往有馬溫泉, 中間沒有中途站, 車程約55分鐘 ~~急行 : 會在新大阪和新千里停站上客或落客, 車程約60分鐘 ~~

其實2者只相差5分鐘 , 分別不會太大, 所以即使搭上急行班次, 也不必太擔心!

我地walk in 買飛, 最快開出的一班是急行班次。
座位是劃死的, 我地ge座位分別是4E同5E~
最有趣GE地方黎啦, 我地一上車, 發現全車爆滿, 左右2邊根本無多餘座位, 究竟E 位係邊呢?章魚仔發現靠向走廊座位的旁邊有一塊木板之類的東西, 拉開木板, 厡來係一張有Pan 同軟墊 ge 櫈仔。
貼心之處在於 : 櫈仔還有安全帶供乘客用, hahahha, 好有趣ar!!  

一個鐘後, 終於到逹有馬溫泉!!
一到步, 先同地標 : 金之湯影張相先 ~~

有馬溫泉以2大名泉聞名, 佢地分別係金之湯同銀之湯。
金之湯: 呈泥黃色, 有陣陣鐵銹味, 對腰痛、關節痛, 慢性皮膚病有顯著功效。
銀之湯 : 呈透明色, 無任何氣味, 對高血壓、機能性心血管疾病、末梢動脈閉塞等病有顯著功效。

當地有金之湯和銀之湯的公共浴場, 可以供遊客即場walk in 浸浸溫泉, 既無時間限制, 價錢亦不太貴 。如果時間許可, 又吾想book溫泉住的話, lee個係一個吾錯ge 選擇~~

我地影完相後, 就先去酒店check in~~我係第一次訓榻榻米, 而且仲book左私人浸浴時間, 所以心情極之興奮+期待!!

今晚住ge酒店係御幸莊花結^^

Lobby ~~
當我地歩入酒店時, 幾個接待員已經stand by 係門口向我地行禮 ~~
而幫我地check in ge 接待員係一位老伯伯, 佢ge英語好好, 所以溝通絶無問題 ~~



手信店 ~~

大約用左15分鐘左右完成所有入住手續 ~~
老伯伯親自帶我地上房間 , 還為我地逐一介紹房間內每一個地方, 好細心~ ( * 房間內有wifi tim ka ! )

每一間房都有屬於自己ge名, 我地ge房間叫松虫草 ~~

房間一覧 ~~





佈置簡單雅緻 ~~



小偏廳 ~~

小偏廳放有2張櫈同小茶几 其中一張係按摩椅, 我同章魚仔都有輪流玩, 一邊睇電視一邊嘆, hahah ~~茶几上還放有兒時玩具: 七巧板, 我玩過, 都幾難砌~~ 

小偏廳有扇門, 門後係雪櫃 / 暖水壺 / 杯櫃 ~
雪櫃放滿有馬特産 - 炭酸汽水~~



飯廳ge枱上放有2杯welcome tea+茶點 ~~

影完一輪相, 終於可以坐低慢慢嘆係黑門市場買番黎ge草餅La ~~
正當我享受緊之際, 坐係對面ge章魚仔突然大叫 : Wah~~好好味ar !!
原來佢食緊枱面ge茶點 : 金泉燒 表面有層薄薄ge金粉, 軟糯ge外皮包著紅豆蓉, 當你食緊外層時,味道是咸咸的。但當食到餡料時, 味道則是甜絲絲的。有馬名物之, 果然名不虛傳 ~~

洗手間一覧

洗手間各種護膚 / 護髮用品 , 非常好用 ~~ 

浴室一覧



提供POLA ge 沐浴露 / 洗頭水 / 護髮素, 洗完又香又滑, 正 !!



房間望出去ge景色 ~~



酒店提供ge浴衣/ 毛巾 ~~

小休完, 就出去外面行下先 ~~
見到小巧可愛ge小貨車~ LOVE :>

由酒店往溫泉街ge方向走, 會見到攝人ge有馬川 ~~
因為天氣蠻凍, 所以我地都無走落去影相 ~~

充滿古典氣息ge太閣橋 ~~



Lee度就係溫泉街 ~~

商店售賣ge蝦餅 ~~

行行下, 見到一間售賣懷舊玩具ge小店鋪 ~~

木陀螺 ~~

沖涼BB 玩具 ~~

萬花筒 ~~

有馬溫泉街有公眾足浴場, 提供免費ge 金之湯服務, 眼見有吾少本地人都有浸~~





係寒冷天氣下,能夠當街除鞋, 浸在暖笠笠ge温泉水,又確實幾盞下~~ ( 笑 )
入鄉隨俗, 我地2個當然要試一試La~~

呼, 好舒服ar!!!

係足浴對面, 有間玩具博物館。
由於要入場費, 所以係外面影張相就算Lu~

之前提過ge公眾浴場 : 金之湯

繼續往上行, 估吾到仲見到靚靚ge紅葉 ~~

無論街道、店鋪、建築物都一一呈現舊時代ge風味 ~~

書店 ~~

食店 ~~

鞋店 ~~

郵筒~~



有馬温泉區共有好幾個泉源, 金之湯有5個, 分別係「天神泉源」、「有明泉源」、「御所泉源」、「極樂泉源」、「妬泉源」。
銀之湯有2個, 分別係 「太閣泉」 、「炭酸泉源」。

係我地行逛途中, 已遇到好幾個泉源。
下面係其中一lee個, 不過名就吾記得Lu!! 

Lee 個係「天神泉源 」~~

不斷有熱呼呼ge蒸氣冒出,現場一片煙霧瀰漫 ~~

我仲係度影到疑似櫻花, 不過只得幾朵 ~~



有馬之工房, 係有馬溫泉觀光交流中心 ~
不過我地無入過去, 所以吾知裡面有咩~~

街道上發現精緻小巧ge 古日本建築, 估計係用作供奉神靈之用 ~~

極樂寺 ~~
整間寺院範圍只有我同章魚仔2個人, 加上涼風陣陣, 感覺悽清 ~~

鳥居 / 佛像再配上身後ge風景,更添禪意 ~~

之前提過ge公眾浴場 : 銀之湯

因為book左7:00pm食晚飯, 所以在外隨處走走, 就要快快番酒店Lu~~
其實御幸莊花結有專車接戴客人往返車站與酒店,吾駛好似我地敢徒步行過黎ka!! 

番到房, 我地2個都忙於梳洗, 然後換番套浴衣, 準備迎接晚餐, 心情興奮!! ~~ ^^

Staff 準時7:00pm 入房, 幫我地set枱同送上頭盤 ~~



Cheers !!!!
不得不提, 餐前酒係超級好飲, 味道係桃味, 甜度適中 ~~
而且, 當我返到香港, 睇其他人寫 blog 後, 先知道餐前酒係可以無限添飲ka ~~ !!

頭盤有6款精緻ge小點 ~~

小黃杯內係魷魚配芥辣醬 ~~



新鮮刺身~~



好野!!! 開餐啦~~ Yeahhhhhhh !!!

什菜天婦羅 ~~



Lee 碗青BB ge 係日式傳統湯 ~
杰撻撻的湯, 櫻花葉包住糯米同魚塊, 味道怪怪地,我同章魚仔都吾太好, 飮左幾啖就放棄~~



全晚焦點, 神户和牛

煮法係石頭燒, 將和牛放入燒至極熱ge石煱內, 熱力迅即封鎖肉汁, ~~ 好味道 !!

一品煱, 材料有牛蒡 / 蛋 / 海帶 ~~
簡簡單單, 但好好味 ~~

麵豉湯 ~~

最後2道菜 ~~
盤內有一大兜白飯 / 漬物 / 一壺茶 / 甜品 ~~

其實我已經好飽, 但估吾到漬物配白飯加豉油係敢好味 , 好味到我食左2大碗飯ar~~ !!

新鮮水果配啫喱 ~~

餐飯食左2個幾鐘。由開始, 2人正正經經ge打對面跪坐, 到後來2人坐埋一邊, 伸直脚一齊睇電視, 仲越食越慢tim~~hahahha~~

總覺得d 野食好似食極都吾完敢~ 飽到Lei!!

食完飯, Staff 就快快手幫我地執枱, 再跟手set 床 ~~ 三兩下手勢已經鋪好2張, 確實係熟能生巧!!

Lee 位就係成晚服侍我地ge菲籍staff  , 辛苦晒 !!~~

食到飽一飽, 梗係要出去散散步La~
因為夜d要去浸溫泉, 所以要做下運動消化下先~~
2/F 係餐廳 , 3-5/F 係普通客房 , 6/F 係附有溫泉Ge高級客房, 7/F 係溫泉樓層 ~~

我地先落左Lobby 睇下間精品店, 不過無咩野啱買~~



見到Lobby 有個枕頭架, 又埋去八掛下~~
Staff 話比我地知 : 如果覺得房入面果個吾啱訓, 可以係lee 6 款枕頭中揀一個黎用, 但只可以轉一次。hahahha, 好貼心wor!!

Lee位係幫我地辦理check in 手續ge 叔叔 ~~

私人溫泉reserve 比我地ge時間係10 : 45pm。由於仲未夠鐘, 所以散完步就返房睇電視, 慢慢等 ~~
10 : 40pm 就收到lobby ge 電話, 話我地可以開始浸La!! (  Yeahhhhhhhhhhhh!! 興奮Mode 啟動!! )

溫泉樓層 ge Lobby ~~

男介 ~

女介 ~

私人溫泉 ~~

私人溫泉 內ge淋浴間 ~~

登登登櫈, Lee 個就係期待已久ge私人溫泉 ~~
形狀呈長方形, 大概可供4-5人同時浸浴~

望到真身, 就有d失望...... 因為狹小ge空間, 完全被3面牆重重包圍,全無景色可言~~~
我還幻想着可以一邊浸溫泉, 一邊欣賞風景Ka........宜家真係完全幻滅晒!

不過, 調番轉諗, 我地可以專心敢浸浴~~ 都好ge ! ~~ ^^
附加一張吾知醜ge出浴照, 呵呵 ! 

45 分鐘眨下眼就過 ~~
不得不提, 浸完d 皮膚好滑, 好似用左SK2 敢, 真係好厲害ge泉水 !! 
* 浸完溫泉, 大家記得要飮多d水補充流失左ge水份!!

返到房, 我地一邊食Jelly, 一邊望住房外ge景色, 享受住身處日本ge滋味 !!