2013 京.阪.馬. 飄雪之旅 ~ Day 2 京都篇 ( 上 )

Day 2 

酒店出發 -- > 京都-- > 回大阪

一早預算Day 2 去京都, 仲Plan 好著和服影輯靚相tim~~
o係網上做晒功課, Book 左最多人推介ge岡本和服, 心情既興奮又期待~~
點知真係人算不如天算, 天氣極度寒冷+ 起ng到身, ( 天氣凍, 第一天已經消耗左好多能量, 個人累到爆!! ) 比原定時間遲左好多至到逹京都。
而且, 我身體一向弱雞 ,章魚仔擔心我會凍病,  所以.......放棄左著和服計劃!! 


 一早起床 , 化個靚粧, 精精神神出發Lu~~
這是酒店Lobby 既汽水機~~

元氣十足,比day 1 精神多了~~

行去車站途中~~ ^^

經過Day 1 早上 ge 寒冷經驗, ( 雙手凍到缰+痛 + 個鼻凍到紅 )
當日夜晚, 就即刻去激安之殿堂, 買左對手套黎帶, 保護雙手~

Day 2 早上再買埋口罩帶, 當堂好好多~~

係大阪個幾日, 都係口罩、手套不離身~~
 即係下面敢ge樣, 樣衰都無計 ~ 鬼叫自己怕凍咩! 

我地由心齋橋站搭地鐵去梅田站, 再由梅田行去JR 大阪站 ~~
搭JR往京都, 車程約半小時~~
吾知點解, 去到日本, 總喜歡拍攝車站、列車 、車站職員、乘客 、車飛、 車箱、廣告等.... 

由於好精神,所以我地全程眼仔碌碌, 左望右望 , 望下風景又望下人~~

半小時過得很快, 轉眼又已到達京都~
去到京都車站, 先買一日乘車券。此乘車券可無限次乘搭快線巴士、地下鐵及指定的京都巴士路線, 嘟一嘟就得, ng 駛下下揾coin,方便無比!! 
之後, 我地快快手找100號巴士往清水寺~ ( 條隊好長ar~~ 好彩巴士班次密, 等左一陣已經有車~ )
0係清水寺站下車,就徒步往清水寺。

步行途中,竟然又下起雪來~~ 可惜, 雪粒很小, 相機實在好難影到~~

岡本和服着不到, 唯有影張相留念La~~ ( 灰.... )

清水寺的正門－ 仁王門



見到有3個著和服ge日本女仔, 好靚ar!! 好靚ar! ~~~ 可惜,我....  ( 羡慕ing ~~  )

有好多人同佢地影相, 影完一張又一張, 佢地都影到吾耐煩~~ Haha~~

由於我地2個仲未食早餐同Lunch ge 關係, 所以o係去淸水寺之前,諗住食d野, 補充體力先~~
我地沿住淸水坂行, 首先搵到ge係一間又一間ge手信鋪~~
大部份ge 手信鋪都有熱茶款待, 仲有無限試食~ 
寒冷天氣下,實在非常吸引!! Wahahah~~

吾理喇~入去行下睇下先~ ^^


這是擁有300多年的老字號~ 西尾

店鋪主要售賣八ツ橋和生八ツ橋。八ツ橋和生八ツ橋是京都有名的和菓子 , 但我淨係鐘意食生八ツ橋,Jar!!
佢 ge 形狀係三角形, 軟軟的外皮包着紅豆或抹茶餡~~

宜家已經發展到多種味道, 芝麻、櫻花、梅、朱古力、香蕉朱古力、粟子、燒紅薯、草莓等等~~

我地試左好多吾同ge 味, 每樣都好好味, 極之滿足~
最終買左3盒做手信, 分別係抹茶味、芝麻味 同 草莓味 ~

離開西尾, 又看見另一間人龍滿戴的店 ~ 京都北山MALEBRANCHE 這是間抹茶甜點專賣店~~
以下圖片來自官方網站 :  http://www.malebranche.co.jp/shop/newShop.php

鋪面裝橫細緻, 糅合了和式和現代元素~
門口有一條長長人龍,大家都乖乖地排隊, 這是因為店員正派發店家的名物 : 茶之菓~店員還細心地為每一位客人撕開包裝袋, 很貼心呢!!

手上的就是茶之菓, 由2塊抹茶餅乾夾着白朱古力 , 餅乾充滿濃厚的抹茶味~ 正正中和了白朱古力 的超甜, 好好食arrrr....rrrrr!!! 
可惜, 最後也沒有買, 因為價錢稍貴呢~~

沿著淸水坂行,除了有手信名店,還有不少裝修別緻的食店~~

這是位於街尾, 專售昆布的小店~



這是免費派發的可愛小蛋糕~

小蛋糕就係lee位哥哥派ka la~~


行左敢耐, 其實已經好肚餓~ 
0係未搵到合心水ge食店前,都係買d小食頂頂先~
千挑萬選下, 我地揀左熱辣辣ge 綠茶粟子飽~

軟棉棉的綠茶飽飽, 配上濃濃的粟子餡, 正爆!!!

食完飽飽,就正式前往清水寺~~
以下3張相由章魚仔影, 大機即係大機 , 真係靚好多~

寺院裡有很多繪馬 ~~

Haha ~~ 扮下野, 影張相先 ~~ 

清水寺的門口, 放有一座金屬製的襌杖和拖鞋~~
我見到有好多人埋去拎起, 吾知係o米會Lucky d 呢~~ 我又埋去試下先~~

Wah~~ 重到無倫!!!
 我見有個男人同佢個fd 夾手夾脚, 出盡九牛二虎之力先叫抽起少少jar~~

寺內, 當然有售賣各種御守~

不過款式就不太吸引~~

清水舞台上有好多人, 好不容易才可攝位影相! ~~ ( 汗 )

由舞台向下望, 可以見到的景色~ 音羽之滝 ( 左下角 )

音羽之滝有3條水道, 分别代表長壽、健康、智慧 。
亭內有很多勺, 讓善信舀水來飲, 象徴把3樣幸福都注進身, 所以有很多善信都在排隊呢~~

音羽之滝的近鏡 ~~



寺院裡有好多人圍住個爐,究竟攪乜東東呢?!
我好奇, 於是又迫埋去睇睇~
只見善信點香之餘,又將d香撥落自己身上.... lee d 動作, 晤通又係為自己帶黎幸福ge一種??

我覺得d香, 有d似星巴克ge 飲筒, haha ~

又有御守買, lee d 款式好似靚d wor ~~

行過d, 我仲見到有人求籤, 好似黃大仙敢~ 




清水寺本堂北邊係專門祈求戀愛 ge 地主神社, 





地主神社內又有8個勺子 ( 分別係安全 / 合格 / 安產 / 勝 / 良緣 / 開運 / 恋 ) , 但我只是影相, 沒有飲用呢~~

這是專求家宅平安的神社 ~



由於不懂祈禱的規距, 我們只是搖一搖大綱鈴, 然後雙手合上、心中想着所祈求之事而已。

前往著名的戀占石途中,碰巧有祈福的祭典在進行中 ~~
我們也停下來,
只見大家垂下頭, 聽着祭師的指示, 氣氛莊嚴~~

四處張掛流年厄運的提示 ~~

終於見到著名的戀占之石La !!
這裡有2顆相距10公尺的戀占之石~~ 據說只要閉上眼, 準確無誤的由一顆走向另一顆, 那就象徵著戀愛能夠順利成功~~
我地無玩lee個遊戲, 因為個日真係太太太太多人了~~



Hahah ~ 有人放左一對兔仔係石上面, 勁多人讚 Kawaii, 仲伸手去摸佢地tim~



睇o下下面個位日本人, 佢個表情好好笑, 好似勁驚隻兔仔敢 ~~ ( 兔仔Jei , 又ng係獅子, 駛ng駛敢驚ar ?! )

Lee 個角度係人人去清水寺都會影ge ~~ 笑!! 

離開清水寺, 沿途發現這個迷你鳥居, 可愛 ~~

腳穿草鞋、頭戴笠帽、雙手捧著黑碗的修行僧 ~~